Feijóo anuncia a apertura de "boa parte" dos bares e restaurantes para a semana
Di que "35 profesionais con número de colexiado" son os que aproban as medidas da desescalada.
Por Europa Press / Redacción | SANTIAGO DE COMPOSTELA | 19/02/2021 | Actualizada ás 12:59
O presidente da Xunta, Alberto Núñez Feijóo, considera que a próxima semana "boa parte" de Galicia poderá reabrir a hostalaría, que leva pechada desde o pasado 27 de xaneiro como parte das medidas para combater a pandemia da covid-19.
Iso si, matizou que o comité clínico, que asesora ao seu goberno durante a crise sanitaria, determinará "con que intensidade e con que horario".
Nunha entrevista concedida este venres na Cadea Cope, recollida por Europa Press, o mandatario galego reivindicou o labor deste comité con 35 profesionais "con número de colexiado" e recalcou que durante unha pandemia as opinións sanitarias son as "prioritarias".
Neste contexto, Feijóo confirmou que os datos epidemiolóxicos de Galicia "estan indo ben" e, posteriormente, asegurou: "Eu creo que o luns, que nos imos a reunir, boa parte de Galicia empezará a abrir a súa hostalaría".
Todo o territorio galego leva desde o 27 de xaneiro en restricións máximas e, aínda que o comercio volveu esta semana ao seu horario habitual e o sector cultural puido retomar a súa actividade, os bares, restaurantes e ximnasios seguen pechados, todos os municipios continúan perimetrados e as reunións están aínda limitadas a persoas convivientes.
Así, aínda que o pasado luns Feijóo avanzou que o comité clínico da próxima semana avaliaría estas mesmas restricións, este venres xa deslizou unha probable reapertura da hostalaría.
