A campaña que Abanca retirou: "aínda vés á oficina para todo?"

"Aínda vés á oficina para todo? Se podes ver os netos dende a tableta, podes sacar diñeiro desde o caixeiro". Ese sería un dos cartaces de Abanca que veñen de prender a chama do rexeitamento en parte da sociedade galega, ata o punto de que a corporación bancaria comandada por Escotet se viu obrigado a retirala; un anuncio que vén de se facer público na mañá deste martes coas palabras seguintes. 

Hemos escuchado diversas opiniones sobre alguno de los carteles que hemos colocado en nuestras oficinas estos días y pedimos disculpas a quienes les hayan podido molestar. Nuestra intención no es incomodar a nadie, por lo que hemos decidido comenzar a retirarlos.

— ABANCA (@SomosABANCA) February 23, 2021

Aos poucos días de ser lanzada, a campaña da banca galega recollía xa numerosas mostras de rexeitamento ante o que diversos usuarios da rede social twitter entenderon como unha aldraxe aos máis maiores. Aínda que boa parte das respostas á entidade bancaria tomaron un ton retranqueiro ou irónico, o certo é que a cuestión dos maiores está candente logo de meses de denuncias contra a actitude telemática que están a tomar moitas das administracións galegas; entre elas o Sergas. 

Este "insulto" da compañía aos maiores, a ollos de parte do público galego, podería ser resumido nese paso cara ao abandono da presencialidade; unha circunstancia rendible para a compañía pero que podería poñer en apretos aos máis maiores á hora de realizar as súas xestións. Abanca xa recibiu duras críticas en meses pasados polo cobro de comisións por "mantemento" da conta; unha circunstancia que foi denunciada con éxito ante a xustiza.

Polo momento, a campaña vén de supoñer un golpe á imaxe da compañía que se fragou en expresións como as que seguen:

ABANCA xa non se conforma con nos acribillar a comisións, agora isulta ás persoas maiores... Que contraten máis empregadxs que hai xente abonda desexando traballar!! pic.twitter.com/GDAz7WjKbW

— Antonio Araujo (@AntonioArauxo) February 21, 2021

Supoño que a campaña de @SomosABANCA invitando a non usar as súas oficinas suporá que tampouco cobran comisións. Un pouco de respeto á xente e especialmente aos nosos maiores por favor #abanca #galicia

— Francisco J. García (@fjgarcia77) February 21, 2021

A humanidade desta campaña publicitaria de #ABANCA brilla pola súa ausencia.

Non teño palabras ante tal desfachatez. Ao que chegamos... pic.twitter.com/oWW6mio8eg

— Nerea Martínez (@nereamartineez) February 21, 2021