Por E.P. | A CORUÑA | 24/02/2021 | Actualizada ás 18:48
O Concello da Coruña aprobou, en Xunta de Goberno, as bases reguladoras da convocatoria pública de concorrencia competitiva das subvencións a entidades sen ánimo de lucro para a promoción e fomento do deporte cunha contía de 325.000 euros, 45.000 euros máis que en 2020.
Neste apartado, segundo informa o goberno local, inclúense cinco tipos de axudas en función de se o tipo de actividade deportivaimplica a participación en competicións nacionais ou é para a práctica en xeral dunha especialidade, as catalogadas dentro de campamentos e campus e as relacionadas coa celebración de eventos deportivos.
Como novidade, figuran partidas para actividades de natureza diversa vinculadas como poden ser conferencias, foros, edición de libros, documentais e traballos de investigación.
Ademais, tamén se aprobaron as novas bases de admisión ás escolas infantís municipais para o curso 2021-2022 "coa finalidade de acelerar o proceso, o que permitirá publicar a listaxe definitiva de alumnas e alumnos catro meses antes que no 2020", engade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.