Por E.P. | SANTIAGO DE COMPOSTELA | 25/02/2021 | Actualizada ás 10:47
Os prezos industriais repuntaron en Galicia en xaneiro un 1% en comparación co mesmo mes de 2020, segundo os datos que publica este xoves o Instituto Nacional de Estatística (INE).
Deste xeito, os prezos industriais volven a taxa interanual positiva tras 19 meses de caída. E é que o último dato positivo produciuse en maio de 2019. O incremento interanual de Galicia é superior á media española de avance por unha décima (+0,9%). Por comunidades, o maior aumento prodúcese Asturias (+11,4%) e en Canarias (+10,3%).
Por tipoloxías, hai un incremento xeneralizado en Galicia de forma interanual. Á cabeza, está a enerxía (+3,2%), seguido dos bens de consumo duradeiro (+1,2%). Na comparativa entre xaneiro e decembro tamén hai un tirón do prezo da enerxía (+11,9%).
DATOS ESTATAIS
En España, os prezos industriais disparáronse un 3,4% o pasado mes de xaneiro en relación ao mes anterior, a súa maior subida en case 40 anos, e avanzaron un 0,9% en taxa interanual, co que volveron a taxas positivas por primeira vez en ano e medio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.