O Foro Económico estima unha caída do 9% no PIB galego en 2020
O sector servizos é o que o rexistra os datos máis negativos cunha caída próxima ao 15%.
Por Europa Press / Redacción | SANTIAGO DE COMPOSTELA | 25/02/2021 | Actualizada ás 11:36
O Indicador Abanca-Foro de Conxuntura Económica estima unha caída do 9% no PIB galego en 2020, dúas décima menos que retroceso medio en España.
Nun comunicado, o Foro Económico apunta a un "estancamento" da actividade económica no final do ano, xa que o mes de decembro sofre un descenso interanual do 3,1%, superior ao 2,7% de novembro.
Achaca estes peores datos ás "medidas de contención adoptadas en novembro para frear a pandemia". E é que foi ese mes "cando a actividade económica volveu resentirse despois da melloría experimentada ata outubro".
O sector servizos é o que o rexistra os datos máis negativos cunha caída próxima ao 15% en termos interanuais nos últimos meses do ano. No outro extremo, a produción de coches conta co mellor comportamento na parte final, cunha alza do 30%.
