A Xunta anuncia un “bono desconto” para consumir no comercio local
Feijóo di que é o “bono moi ambicioso e o máis grande que deu a Xunta desde que ten competencias cen comercio”.
Por Europa Press / Redacción | Santiago de Compostela | 25/02/2021 | Actualizada ás 14:45
O presidente da Xunta, Alberto Núñez Feijóo, anunciou que, tras o plan de rescate a autónomos e microempresas, así como as axudas específicas para hostalaría e outros sectores especialmente afectados pola covid-19, impulsará un plan específico para o comercio dotado con 20 millóns de euros.
En concreto, a Xunta aspira a contribuír ao impulso do consumo en tendas e comercios de proximidade, para o que financiará bonos. Segundo explicou Feijóo, estúdase coas federacións provinciais de comercio como se concretará esta medida e a que descontos se terá dereito.
"Pero será o bono máis grande que deu a Xunta en materia de comercio desde que ten competencias", resaltou o xefe do Executivo galego, quen tamén avanzou que se impulsará a dixitalización no sector, xa que os novos hábitos de consumo en liña "chegaron para quedar".
Con esta nova partida, son xa 160 millóns os destinados pola Xunta para a activación dos sectores económicos máis danados pola crise da covid. “E xa levamos 26.900 solicitudes en seis días ao segundo plan da hostelaría”, destacou o presidente galego que celebrou o anuncio de Pedro Sańchez de destinar 12.000 millóns a un novo plan de reactivación económica do sector. “Non coñecemos aínda os requisitios ,pero máis vale tarde que nunca”, concluíu.
