Por E.P. | A Coruña | 26/02/2021 | Actualizada ás 17:22
A alcaldesa da Coruña, Inés Rey, anunciou este venres o inicio dos traballos de rehabilitación dos xardíns de Méndez Núñez, "un proxecto que se pode facer grazas a que esta zona se declarou de especial protección e erradicouse o botellón".
A recuperación das roseiras, do calendario floral, a do reloxo, a do céspede, a poda dos magnolios, e a renovación da zona da estatua de John Lennon cunha guitarra floral son as primeiras actuacións desta intervención xeral nun dos espazos verdes máis importantes e singulares da cidade.
Desde a declaración dos xardíns como Zona de Especial Protección en xaneiro de 2020 e a erradicación do botellón, o Concello, explicou a rexedora, "esperouse un tempo prudencial para que a zona se sanease".
"E agora iremos actuando en diferentes etapas, renovando as diferentes zonas dos xardíns co obxectivo de que recuperen a súa imaxe", expuxo a alcaldesa, que sinalou que esta semana se iniciou un traballo de recuperación das roseiras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.