Ferrol recupera a actividade cirúrxica tras o colapso provocada polos casos covid na UCI

A UCI do Hospital Naval e Reanimación do Hospital Arquitecto Marcide quedan sen pacientes con esta patoloxía.

Por Europa Press / Redacción | Ferrol | 02/03/2021 | Actualizada ás 10:21

Comparte esta noticia

O descenso do número de pacientes máis graves afectados por coronavirus na área Sanitaria de Ferrol posibilita a recuperación da actividade cirúrxica no Complexo Hospitalario Universitario de Ferrol (CHUF). Unha situación que se provoca dous meses despois de case colapsar as UCI polo aumento de pacientes con covid.

Así o trasladaron fontes da Consellería de Sanidade a Europa Press, que apuntaron que "a baixada da demanda asistencial destas semanas permitiu a desescalada e reorganización das unidades de críticos Covid-19", xa que do tres unidades que estaban en marcha para este tipo de pacientes, pasouse a unha.

Segundo os datos actualizados este luns pola Consellería de Sanidade a área Sanitaria de Ferrol contaba con oito pacientes Covid en UCI e 63 noutras unidades de hospitalización.

UNIDADE DE RECUPERACIÓN

Desde o luns 22 de febreiro Reanimación do Hospital Arquitecto Marcide deixou de funcionar como UCI con pacientes Covid-19, "para ser unha unidade de críticos non afectados por esta afección", comentaron as mesmas fontes.

E este luns, 1 de marzo, "pechouse a unidade de coidados intensivos do Hospital Naval a pacientes coronavirus", engadiu, e regresa desta forma como unidade de recuperación post anestésica de cirurxía maior ambulatoria.

Todo isto permite recuperar a normalidade da actividade cirúrxica programada e, é por iso, indicaron as mesmas fontes, que "a UCI Covid-19 está desde a tarde deste luns no Hospital Arquitecto Marcide", que conta, segundo os datos achegados nas últimas horas, ata as 18,00 horas deste domingo, con oito ingresados, cunha capacidade para dez pacientes.

Cirurxía cerebral nun quirófano
Cirurxía cerebral nun quirófano

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta