Cancelado o concerto de Skunk Anansie en Santiago e aprazados até 2022 os de Madrid, Barcelona e Bilbao
Por Europa Press / Redacción | Bilbao | 03/03/2021 | Actualizada ás 18:55
Os británicos Skunk Anansie aprazaron ata marzo de 2022 a súa xira de 25 aniversario, que tiña previsto pasar por Bilbao, Barcelona, Madrid e Santiago de Compostela en próximas datas.
A promotora Last Tour anunciou o adiamento, ata 2022, da xira de Skunk Anansie en España, coa que a banda británica planeaba celebrar o seu 25º aniversario e que incluía varios concertos en cidades españolas para o mes de maio.
Finalmente, actuarán en Bilbao o 17 de marzo de 2022 na sala Santana 27, o 21 de marzo na Riviera de Madrid e o 22 de marzo na sala Razzmatazz de Barcelona. As entradas para o tres shows están á venda.
Con todo, por motivos de axenda, o concerto de Santiago de Compostela "non puido ser recolocado xunto ao resto de datas", polo que, de momento, foi cancelado. As persoas que adquirisen xa os tickets recibirán o reembolso automaticamente.
