Viaqua visibiliza o papel das mulleres que traballan no sector da auga

Levará a cabo unha campaña dixital para reforzar a imaxe das distintas profesionais que traballan na empresa.

Por Galicia Confidencial | Compostela | 08/03/2021 | Actualizada ás 09:00

Comparte esta noticia

Con motivo do Día Internacional da Muller, que se celebra anualmente o 08 de marzo,  Viaqua súmase á chamada de Nacións Unidas, marcada este ano polo lema “Mulleres líderes: por un futuro igualitario no mundo da COVID-19”. A pesar de que, tal e como indica o informe “As repercusións da Covid-19 nas mulleres e as nenas”, elaborado por Nacións Unidas, a COVID-19 agravou as desigualdades xa existentes en todas as esferas, da saúde á economía, da seguridade á protección social, esta empresa quere destacar o papel das súas mulleres. 

Nenas  desfrutando da ciencia no  programa  de Aquae  STEM de  Viaqua e Fundación  Aquae
Nenas desfrutando da ciencia no programa de Aquae STEM de Viaqua e Fundación Aquae

“Xa sexa nas estacións de tratamento de auga, nos laboratorios, nas oficinas ou facendo teletraballo, as mulleres de Viaqua, polo seu compromiso diario coa preservación da auga e do  medio ambiente, así como a súa colaboración na loita colectiva contra a COVID-19, son protagonistas do cambio”, asegura a compañía. Por iso, quere aproveitar este día especial para poñer en valor as iniciativas de todas as súas profesionais para garantir a subministración da auga a todas as persoas e impulsar unha recuperación económica sostible.

Viaqua destaca que tiña como obxectivo para 2021 alcanzar o 33% de mulleres en posicións de liderado pero "en 2020 xa alcanzamos e superamos o obxectivo cun 40%". "En Viaqua, a equidade e o respecto efectivo á diversidade forman parte dos principios da empresa”, indica nun comunicado no que suliña que en todos os ámbitos da organización, impúlsase unha cultura que garante a igualdade de oportunidades para todas as persoas. 

Esta empresa di que está a impulsar programas de mentoring −como o programa  BootCamp Impulsa, dirixido a mulleres para impulsar o desenvolvemento profesional de traballadoras da organización−, plans de igualdade e medidas de conciliación e flexibilidade, contribuíndo ao cumprimento dos Obxectivos de Desenvolvemento Sostible da ONU. En 2020, celebrouse a Semana da Equidade, Diversidade e Inclusión coa participación de expertos e expertas na materia co fin de lograr unha cultura de equidade dentro da empresa. 

Para descubrir algunhas das mulleres que traballan en Viaqua e que participaron na loita da empresa para paliar os efectos da situación derivada da pandemia, Viaqua desenvolverá en Twitter, durante toda a semana, a campaña de comunicación dixital: #MulleresViaqua.  

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta