O PPdeG ve "razoable" que se traspasen á Xunta as competencias de dominio público marítimo terrestre
O portavoz parlamentario do PPdeG, Pedro Puy, sinala que o mellor coñecemento da realidade costeira permitiría que a administración galega fixese unha mellor prestación deste servizo público.
Por E.P. | SANTIAGO DE COMPOSTELA | 08/03/2021 | Actualizada ás 15:06
O PPdeG considera que a solicitude de traspaso para xestión por parte da Xunta de Galicia das competencias en dominio público marítimo terrestre é "unha petición razoable" que confía que atenda a Administración central.
Así o expresou o portavoz parlamentario do PPdeG, Pedro Puy, que lembrou, en rolda de prensa este luns, que o seu grupo presenta unha proposición non de lei sobre a demanda do Executivo galego, que quere as competencias en dominio público marítimo terrestre.
Unha demanda "razoable" e que está sobre a mesa "desde hai anos" pero que, segundo Puy, faise "máis urxente" agora ante "as ameazas" que pesan sobre o uso que se lle dá ao dominio público marítimo terrestre en Galicia".
"Galicia ten máis de 2.000 quilómetros de costa e unha xestión de proximidade e cun coñecemento máis detallado da realidade costeira galega permitiría unha mellor prestación deste servizo público", incidiu Puy.
