Por E.P. | A CORUÑA | 11/03/2021 | Actualizada ás 17:52
O centro de coworking 'Lab Barbanza' de Boiro integrouse na Rede de Espazos de Traballo Colaborativo da Deputación da Coruña, unha iniciativa posta en marcha no marco do Plan de Emprego Local (PEL).
O presidente do organismo provincial, Valentín González Formoso, visitou este xoves, acompañado do alcalde de Boiro, José Ramón Romeu, e dos deputados provinciais Blas García e Sandra González, este centro. Boiro súmase así aos concellos de Oleiros, Brión, Ames, Carballo, Moeche e A Capela que tamén contan con centros de coworking espcializados en diferentes sectores.
O centro boirense está situado no polígono industrial de Espiñeira, propiedade do concello, e conta con 283 metros cadrados de superficie útil distribuídos en cinco oficinas, ademais doutras instalacións.
Na súa visita, González Formoso destacou que "Galicia necesita facer unha lectura clara das súas potencialidades industriais e apostar pola innovación e por este pequeno tipo de nichos onde o coñecemento teña as sinerxías garantidas e a posibilidade de intercambiar ideas e experiencias que fagan impulsar proxectos empresariais".
Pola súa banda, o alcalde de Boiro, José Ramón Romeu, explicou que 'Lab Barbanza' será "unha ferramenta de apoio para as persoas emprendedoras" do municipio e a comarca.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.