Néstor Rego reclama o peche de Ence na ría de Pontevedra e que manteña os postos de traballo
O deputado no Congreso reprocha que a empresa non acomete accións de mantemento e seguridade, "case como unha chantaxe e ameaza ao conxunto dos axentes sociais e entidades administrativas que reclaman a súa saída da ría de Pontevedra".
Por E.P. | PONTEVEDRA | 13/03/2021 | Actualizada ás 19:45
O deputado do BNG no Congreso, Néstor Rego, esixe a Ence que se marche da ría de Pontevedra, tras a "irregularidade" que supuxo a decisión de prórroga adoptada en 2016 polo Goberno de Mariano Rajoy, á vez que manteña os postos de traballo noutra localización.
Así, demanda ao Estado que declare nula a prórroga da concesión da pasteira nos terreos de dominio público marítimo-terrestre, á vez que demanda ao Goberno que investigue "os potenciais riscos para as persoas dos que falou o CEO da empresa (Ignacio de Colmenares)".
O deputado no Congreso reprocha que a empresa non acomete accións de mantemento e seguridade, "case como unha chantaxe e ameaza ao conxunto dos axentes sociais e entidades administrativas que reclaman a súa saída da ría de Pontevedra".
OBRAS DA AG-59
Noutra orde de cousas, a portavoz do BNG en Europa, Ana Miranda, instou á Comisión Europea a analizar o trazado da ampliación da AG-59 ao seu paso polos concellos da Estrada e Teo, xa que alerta de que danan a Rede Natura.
"Parece que a Xunta pretende facer obras sen respectar o país, o medio e o patrimonio, arrasando os proxectos financiados con fondos europeos", recrimina Miranda.
