CC.OO. denuncia "saturación" de médicos de familia de Santiago-Barbanza

CC.OO. denuncia a "saturación" que viven as médicas de familia da zona de Santiago-Barbanza e atribúeo á "mala xestión" das ausencias. Advirte, así, de "falta de recursos para atender adecuadamente á poboación, con axendas médicas de máis de medio centenar de consultas diarias".

Segundo o sindicato, isto sucede porque as substitucións "se improvisan día a día", ante o que lembra que a atención primaria é "porta de entrada" e critica que a xerencia "esquecer" o seu labor facéndoos traballar "sen organización nin tempo".

Por todo iso, esixe "que se teñan en conta aos profesionais no deseño do modelo de atención primaria, dotándoa de recursos suficientes".

Cribado no centro de saúde de Vedra (A Coruña).. SANIDADE