Inaugurada na Coruña unha mostra sobre as mulleres que traballan dentro das ciencias e da tecnoloxía
"Coa mostra queremos pór o foco en que a igualdade de xénero no traballo está lonxe de conseguirse", subliñou a concelleira Yoya Neira.
Por E.P. | A CORUÑA | 22/03/2021 | Actualizada ás 17:58
A concelleira de Benestar Social, Igualdade e Participación do Concello da Coruña, Yoya Neira, inaugurou este luns, no Obelisco, a mostra 'Mulleres no ámbito das CTEM', unha iniciativa que forma parte do programa conmemorativo do 8 de marzo.
A exposición, que poderá verse ata o 22 de abril, pretende situar o foco na presenza das mulleres en postos de traballo nos campos das ciencias, tecnoloxía, enxeñarías e matemáticas.
Na inauguración, Neira destacou que no últimos cinco anos a porcentaxe de mulleres matriculadas en Galicia no ámbito de enxeñarías e arquitectura foi do 27%, sendo máis superior en ámbitos como as ciencias sociais ou da saúde, segundo remarcou.
"Coa mostra queremos pór o foco en que a igualdade de xénero no traballo está lonxe de conseguirse", subliñou Yoya Neira sobre o contido dunha mostra que profunda na visibilización das mulleres e as súas contribucións en áreas científicas e tecnolóxicas.
