As galegas cuaduplicaron aos homes en traballos a tempo parcial en 2020
Foron o 21,6%, fronte ao 5,7% de homes. O 84% das mulleres traballaron no sector dos servizos, que deu emprego ao 56,9% dos ocupados
Por Europa Press / Redacción | Santiago de Compostela | 24/03/2021 | Actualizada ás 19:38
O 21,6% das mulleres galegas ocupadas durante o ano 2020 estábano cunha xornada a tempo parcial, fronte ao 5,7% dos homes, segundo datos publicados este mércores polo Instituto Nacional de Estatística (INE) a partir da Enquisa de Poboación Activa (EPA).
Ademais, o 84% das ocupadas galegas (isto é, oito de cada 10) desempeñaban traballos do sector servizos, mentres que esta porcentaxe rebaixábase ata o 56,9% (cinco de cada 10) no caso dos homes. En canto a tipos de contratos na comunidade, as porcentaxes equipásense e, o ano pasado, o 26% das mulleres asalariadas eran temporais, e tamén o eran o 22% dos homes asalariados.
Tamén niveis similares presentaron en 2020 as galegas e os galegos en paro con educación superior: o 38,9% e o 30%, respectivamente. Practicamente o mesmo dato, segundo o INE, é o de mulleres e homes que levaban en 2020 en Galicia dous anos ou máis buscando emprego: 24% e 24,5%, respectivamente.
DATOS ESTATAIS
O coidado de dependentes segue recaendo en mulleres, que optan polo traballo a tempo parcial para dispor de máis tempo con este fin, segundo os datos publicados este mércores polo INE a partir da EPA. Con todo, máis da metade cre que non hai servizos adecuados ou non poden pagalos.
Así, o número de ocupados que optou por traballar a tempo parcial en 2020 para ter máis tempo para coidar a persoas dependentes reduciuse un 7,4%. En concreto, a cifra situouse en 305.600 persoas, das que 286.100 (o 93,6%) eran mulleres.
