Ciudadanos pide ampliar as axudas anticovid a todos os sectores económicos

A coordinadora de Ciudadanos en Galicia, Beatriz Pino, anunciou que a súa formación acaba de rexistrar unha pregunta no Parlamento galego na que pide á Xunta de Galicia que inste o Goberno central a que inclúa no novo paquete de axudas "a todas aquelas empresas e autónomos que acrediten diminución da facturación en máis dun 30%, en relación a 2019, como consecuencia da pandemia".

"Non entendemos que moitos sectores da economía galega afectados pola pandemia foran excluídos das axudas", sostén nun comunicado no que afirma que a Xunta "ten a obrigación de defender os seus intereses ante o Goberno de España". Ademais, apunta que desde Ciudadanos son "conscientes que sectores en Galicia que se viron moi afectados" e engade que, por iso, e van "pelexar pola súa inclusión desde todas as administracións".

SECTORES EXCLUÍDOS

Beatriz Pino alega que "non se entende que este novo paquete de axudas previsto polo Goberno central excluíse a barbarías, centros de estética e beleza, transporte de mercadorías por estrada, academias, lavandarías, ferraxarías, tendas de electrodomésticos, mobles, librarías, florarías, talleres, material de construción ou xogueterías", cita como exemplos.

"O lóxico, sería ter soamente en conta como criterio, para poder ser beneficiario destas axudas, a diminución real e efectiva da facturación en relación a 2019 como consecuencia da pandemia e non excluír epígrafes de actividades económicas, polo mero feito de ser considerados esenciais ou non".