Galicia recibe 5,4 millóns de viaxeiros españois en 2020, case a metade que o ano anterior
O gasto realizado polos viaxeiros españois en Galicia foi de 1.091 millóns de euros, o que supón un 41% menos que en 2019.
Por Europa Press / Redacción | SANTIAGO DE COMPOSTELA | 25/03/2021 | Actualizada ás 11:20
Galicia recibiu en 2020 un total de 5,4 millóns de viaxeiros españois, o que supón un 46,4% menos que o ano anterior, segundo a Enquisa de Turismo de Residentes que publica este xoves o Instituto Nacional de Estatística (INE).
Este retroceso é similar ao 47,6% de baixada que se produce no global de comunidades españois. Galicia supuxo o sétimo destino preferido para visitar polos residentes no resto do estado. Así, producíronse 31,6 millóns de pernoctacóns en Galicia, un 21,7% menos. Neste caso, o descenso é menos acusado que o do Estado (-37,8%).
O gasto realizado polos viaxeiros españois en Galicia foi de 1.091 millóns de euros, o que supón un 41% menos que en 2019. Con todo, os viaxeiros incrementaron a súa estancia pola comunidade galega, cunha media de 5,9 días, un 46% máis. Ademais, aumentou o gasto medio por persoa ata os 203,7 euros, case un 10% máis.
Pola súa banda, os galegos realizaron 4,8 millóns de viaxes en 2020, o que supón a metade que en 2019. Igualmente, as pernoctacións quedaron en só 20,8 millóns --foron case 33 millóns o ano anterior--.
