Por E.P. | SANTIAGO DE COMPOSTELA | 25/03/2021 | Actualizada ás 15:29
A Federación Galega de Municipios e Provincias (Fegamp) ve "inxustificadas" as críticas do vicepresidente da Xunta, Alfonso Rueda, sobre o labor dos concellos galegos para combater a crise da covid.
Así responde, a través dunha nota de prensa, ás declaracións deste mércores do vicepresidente galego, quen, no Parlamento, denunciou que algúns consistorios "non están a facer absolutamente nada", o que resulta "moi grave". En concreto, reprobou que parte dos municipios non tramiten as sancións interpostas para controlar o cumprimento das medidas sanitarias por parte das forzas e corpos de seguridade do Estado.
Respecto diso, a Fegamp tacha de "inxustificadas e inadecuadas" as declaracións, pois "se pretende xerar dúbidas" sobre a colaboración dos concellos no control das medidas de contención da covid-19.
O presidente da Fegamp, Alberto Varela, considera as manifestacións "improcedentes", xa que "levantan dúbidas gratuítas sobre a acción das administracións locais sen precisión nin fundamento".
"Estas declaracións son incomprensibles, xa que poden xerar na cidadanía unha sensación de inseguridade e/ou impunidade ante condutas irresponsables, algo que vai en contra tanto do labor, como das mensaxes dos concellos: máximo traballo e impunidade cero contra o incumprimento", criticou Alberto Varela.
"MÁXIMA PREDISPOSICIÓN"
A Fegamp lembrou que os municipios colaboran na xestión da crise sanitaria "desde o inicio da mesma e coa máxima predisposición", traballando "man a man" co Goberno central e coa Xunta de Galicia e "asumindo labores mesmo máis aló das súas competencias, achegando os seus propios recursos económicos, materiais e humanos sen recibir ningún fondo extraordinario, cos que si contaron outras administracións".
É por este motivo que a federación instou a que, de considerar que se produce algunha irregularidade ou deficiencia, e en beneficio de toda a cidadanía, "se activen os mecanismos formais e resolutivos que deben rexer na boa colaboración e lealdade institucional: informar as autoridades competentes, analizar a orixe da situación e achegar os medios materiais económicos e humanos para corrixila".
Con todo, recalca o "inxusto" do cuestionamiento da súa "máxima implicación, colaboración e dilixencia" na loita contra a pandemia, e reclama "a mesma actitude" por parte doutras administracións nuns momentos nos esforzos "deben centrarse en remar na mesma dirección".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.