Segundo ano sen Festival PortAmérica por mor da pandemia

Os organizadores emprazan o público para a edición 2022.

Por Europa Press / Redacción | Santiago de Compostela | 26/03/2021 | Actualizada ás 16:11

Comparte esta noticia

"Non puido ser en 2020, nin tampouco o será en 2021". Con esta frase arrinca o comunicado co que a organización do PortAmérica anuncia que este ano non haberá festival, e empraza ao seu público para a edición 2022.

Festival PortAmérica.
Festival PortAmérica.

O motivo, como o foi en 2020, é a situación sanitaria e as posibilidades para levar adiante un evento deste tipo. "Non queremos un festival no que o noso público non viva unha experiencia plena, non ten sentido. Queremos ofrecer o maior grao de satisfacción, e nestes tempos seguen sen darse as condicións para garantilo", explica a compañía Esmerarte.

Por iso, empraza ao público á edición 2022, advertindo de que, "se a evolución da pandemia é favorable", é "moi probable" que se celebre antes. "Estamos a traballar nunha programación adaptada ás circunstancias que, de ser posible, terá lugar unha vez pasado o verán e axuntará, como non, música, gastronomía e natureza", destacan. Inicialmente, estaba previsto que o festival tivese lugar no mes de xullo na Carballeira de Caldas de Reis.

As entradas xa adquiridas seguen sendo válidas para a edición 2022, aínda que, quen o desexe, pode pedir o reembolso entre o 26 de abril e ata o 24 de maio.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta