Primeiro Outono de Artes Sociais na Cova da Terra

A ONG luguesa  "A Cova da Terra" rematou avanzada a noite a inauguración do I Outono das Artes Sociais. Máis de 80 persoas se deron cita nun local no que, segundo os organizadores, non cabían máis almas. 

Na inaguración presentouse unha instalación sonora de Carmen PG Granxeiro coa voz de Alma Sánchez e a participación dun ensamble de clarinete de tres novas promesas da música lucense, que recibiron unha forte ovación final.

A Cova da Terra é unha asociación galega sen ánimo de lucro, de comercio xusto e consumo responsable, que comezou a súa andaina en 1995 abrindo en Lugo a primeira tenda de comercio xusto de Galicia.