O futuro das artes galegas, a debate nunha conferencia online

O Consello da Cultura Galega (CCG) publicará este luns a cuarta e última sesión de análise do ciclo dedicado aos 30 anos da Facultade de Belas Artes de Pontevedra. Será a través dun relatorio titulado 'E agora que? Retos de face ao futuro', unha pregunta que tratarán de responder Xosé Manuel Buxán Bran, Covadonga Barreiro e David Fidalgo.

A sesión, que foi gravada previamente, subirase á rede este mesmo luns para que quede a disposición da cidadanía. Trátase da cuarta cita de 'A Facultade de Belas Artes de Pontevedra trinta anos despois', que desde o 15 de xaneiro revisou o papel e a importancia que desenvolve este centro no sector.

Exposición de Afundación en imaxe de arquivo | Fonte: Afundación