O incendio de Ortigueira continúa avanzando e afecta xa a 50 hectáreas

A superficie queimada por un incendio forestal que afecta desde a noite deste luns ao termo municipal de Ortigueira --na provincia da Coruña-- ascende a unhas 50 hectáreas. Así o informou a Consellería do Medio Rural en relación a este lume que comezou ás 22,56 horas deste luns pasado na a parroquia de Devesos, no municipio de Ortigueira.

Para o seu control foron mobilizados catro axentes, sete brigadas, catro motobombas e unha pa. O lume de Ortigueira supón un golpe máis ao monte galego logo de que nas últimas semanas se veñan sucedendo diversos incendios forestais de distinto alcance, entre eles un no Courel que afectou a máis de 250 hectáreas de terreo.