Por Europa Press / Redacción | Santiago de Compostela | 07/04/2021 | Actualizada ás 12:38
O número de fogares unipersoais aumentou en 6.900 unidades en Galicia durante o ano 2020, ata situar o total en 290.500, a maior parte deles habitados por persoas solteiras (124.500) e viúvas (100.400). Segundo os datos que publica este mércores o Instituto Nacional de Estatística (INE), o resto de fogares unipersoais correspóndese con 17.600 persoas casadas, 12.600 separadas e 35.500 divorciadas.
Desta forma, no 26,5% dos fogares galegos reside unha persoa, no 31,1% dous, no 21,9% tres, no 14,9% catro e no 5,6% cinco e máis. O número de fogares global creceu un 0,6% en 2020 respecto de 2019, unha décima menos que a media (+0,7%), e o tamaño medio do fogar situouse en 2,44 persoas (fronte ás 2,5 da media).
DATOS ESTATAIS
No conxunto estatal, os fogares formados por unha soa persoa e os de cinco ou máis convivientes foron os que máis creceron en España durante a pandemia, segundo a 'Enquisa Continua de Fogares (ECH)' correspondente ao ano 2020 publicada polo INE.
Comparando cos valores medios de 2019, o número de persoas que viven soas incrementouse un 2% en 2020 (96.200 máis), o de dous un 0,6% e o de cinco ou máis persoas creceu un 1,3%. Pola contra, o número de fogares con tres e catro persoas reduciuse un 0,1% e un 0,4%, respectivamente, respecto de 2019.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.