Por Europa Press / Redacción | Santiago de Compostela | 08/04/2021 | Actualizada ás 20:08
Un home faleceu este xoves en Santiago de Compostela tras caer ao patio de luces nun edificio desta cidade, informan o servizo de Emerxencias 112.
En concreto, o suceso rexistrouse sobre as 18,00 horas, nun inmoble situado na rúa de Fernando III O Santo da capital galega.
Tras recibir o aviso por parte do 061, solicitouse a intervención da Policía Nacional, dos Bombeiros de Santiago, da Policía Local e de Protección Civil.
Unha vez no punto, os efectivos desprazados abríronse paso a través dunha xanela para acceder ao lugar onde se atopaba a vítima, que finalmente perdeu a vida. As forzas da orde investigan as circunstancias do ocorrido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.