As autonomías recibirán 328.800 novas doses da vacina Moderna este venres

O Ministerio de Sanidade anunciou que repartirá este venres ás comunidades autónomas un total de 328.800 novas doses da vacina Moderna contra a COVID-19, que foron recibidas este xoves en España.

Segundo informou o departamento dirixido por Carolina Darias, a esta cantidade hai que sumar as 1.241.370 novas doses da vacina Pfizer/BioNTech que chegaron a comezo desta semana.

A chegada destas vacinas, segundo explica Sanidade, supón "o incremento esperado" no segundo trimestre deste ano, que, como anunciou esta mesma semana o presidente do Goberno, Pedro Sánchez, "será 3,5 veces máis de doses que o primeiro trimestre".

Unha sanitaria vacina a unha muller maior de 80 anos coa dose de Moderna no hospital Álvaro Cunqueiro de Vigo, en Vigo, Pontevedra,. Europa Press