Sen cambios nas residencias de maiores, que non contan con ningún usuario contaxiado

Os casos de Covid-19 nas residencias de maiores de Galicia mantéñense sen cambios, con dous positivos entre os traballadores e sen usuarios contaxiados desde o inicio do mes. Segundo a información actualizada este venres polas consellerías de Política Social e Sanidade, non se rexistraron novos contaxios nin altas con respecto ao día pasado. Por tanto, mantense un positivo dun traballador da Residencia Santa Teresa da Cañiza e outro dun empregado da Residencia de Oleiros. 

Pola súa banda, os centros de discapacidade galegos non experimentaron cambios e seguen sen rexistrar casos de Covid-19 nin entre os seus usuarios nin entre os seus traballadores.