Por E.P. | A CORUÑA | 14/04/2021 | Actualizada ás 17:43
A Xunta asumirá a tutela da menor retida na Coruña, segundo confirmaron desde a Consellería de Política Social tras un operativo policial no que se detivo a tres persoas.
Fontes consultadas indicaron que a menor foi vendida por 4.000 euros, presuntamente polos seus pais e que se estaba pendente do informe forense para confirmar se sufriu abusos.
En canto á situación agora da menor, desde a Consellería de Política Social ratificaron que está a ser atendida polos servizos sociais e sanitarios antes de ser derivada a un centro de menores.
Fixérono despois de que a Unidade de Atención á Familia e Muller (UFAM) da Policía Nacional xa trasladase a información do caso da nena ao departamento de menores da Xunta.
Este, apuntaron, "tomará as medidas necesarias para salvagardar a protección da menor". Así mesmo, explicaron que a Xunta asumirá a súa tutela. A detención das tres persoas produciuse tras unha investigación iniciada en Córdoba, que segue aberta. Ademais, un xulgado desta cidade decretou o segredo das actuacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.