Morre un motorista ao chocar contra un sinal en Pontevedra

Un motorista faleceu esta tarde de venres na estrada PO-11 ao chocar contra un sinal de tráfico en Pontevedra, segundo informa o 112 Galicia.

Pouco antes das 19,00 horas, varias chamadas alertaron ao 112 do accidente ocorrido na estrada de Marín, próximo á rotonda da nave da celulosa. O home faleceu no lugar.

Foron avisados, entre outros, Garda Civil de Tráfico, Policía Local de Pontevedra, Bombeiros, membros de Protección Civil e servizos sanitarios de urxencia. Igualmente, foi informado persoal de mantemento de estradas.