O comité da refinaría da Coruña inicia unha rolda de reunións con alcaldes e empresa
Tamén están convocada unha manifestación o sábado 24 para protestar en contra do ERTE.
- Mobilización de máis de 300 persoa na Coruña en contra do ERTE na refinaría
- A refinaría Repsol da Coruña deixa en ERTE a 212 traballadores
- O Comité de Empresa da refinaría rexeita o ERTE de Repsol e pide a Xunta e Goberno central que o freen
Por E.P. | A CORUÑA | 20/04/2021 | Actualizada ás 11:47
O comité de empresa da refinaría da Coruña inicia este martes unha rolda de reunións con alcaldes e coa empresa tras o anuncio dun expediente de regulación de emprego temporal (ERTE) para un máximo de 212 traballadores, o 31% do persoal.
Segundo informa a representación sindical, á reunión que manterán este martes, ás 12,30 horas, co alcalde de Arteixo, Carlos Calvelo, súmase á que terán coa alcaldesa herculina, Inés Rei o xoves, día 22.
Ademais, esta xornada haberá a primeira reunión da comisión negociadora do ERTE, á que se seguirá outra o venres, día no que convocaron unha concentración, ás 15,00 horas, na porta da refinaría.
O sábado, día 24, haberá unha manifestación que partirá da praza da Palloza, accións que enmarcan no obxectivo de "deter o ERTE".
