O Concello da Coruña proxecta destinar a centro para persoas sen fogar a antiga sede de Pai Rubinos

A alcaldesa da Coruña, Inés Rey, anunciou, en rolda de prensa, a firma dun convenio para a cesión da antiga sede de Pai Rubinos en Labañou durante os próximos 25 anos.

Este "será o primeiro paso" para a construción nas instalacións dun centro para persoas sen fogar e en situación de vulnerabilidade, dixo a alcaldesa tras a Xunta de Goberno local.

Inés Rei cualificou ao futuro centro "de vital importancia" para a cidade, sobre todo tras o peche do centro Abeiro que non contaba coas medidas legais necesarias. Doutra banda, tamén anunciou a autorización das obras para poder levar a cabo a urbanización do espazo exterior do mercado de San Agustín. As mesmas terán un investimento de máis de 800.000 euros, que permitirán reformular as rúas, mellorando a súa accesibilidade coa redución de vehículos.

FÁBRICA DE ARMAS

Por último, informou sobre a compra ao Ministerio de Defensa, dos terreos do Club Social e dos aparcadoiros situados na Fábrica de Armas.

Segundo informou Rey, o investimento ten unha contía dun millón de euros. Esta compra responde, dixo, ao "compromiso" do concello coa Cidade do TIC para o "desenvolvimiento industrial e tecnolóxico" da cidade.

Recollida de firmas en rexeitamento ao proxecto urbanístico das Percebeiras. ASOCIACIÓN VECIÑAL DE LABAÑOU | Fonte: Europa Press