Por E.P. | SANTIAGO DE COMPOSTELA | 21/04/2021 | Actualizada ás 18:17
O Parlamento galego pediu por unanimidade o recoñecemento oficial do Camiño do Mar como ruta xacobea, a través dunha proposición non de lei do PSOE que transaccionou cunha emenda do PP na comisión de turismo.
En concreto, a iniciativa insta á Xunta a recoñecer "o carácter oficial da ruta xacobea coñecida como Camiño do Mar", que discorre polas vilas lucenses de Ribadeo, Barreiros, Foz, Burela, Cervo, Xove, Viveiro e O Vicedo e prosegue pola provincia da Coruña.
En concreto, na provincia coruñesa, o camiño segue por Mañón, Cariño, Ortigueira, Cedeira, Valdoviño e Narón ata a localidade de Neda. A Cámara pide incluír a este camiño "en todas as accións de promoción turística, divulgación e reactivación económicaligadas á celebración do ano Xacobeo 2021-2022".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.