Poetas Dei(n)versos xuntará as líricas de Iraq e Nepal coa galega nunha nova edición na Coruña
Trátase da segunda entrega da duodécima edición, que contará cunha cita máis en xuño tras reprogramar a visita da portuguesa Maria do Rosário Pedreira.
Por E.P. | SANTIAGO DE COMPOSTELA | 22/04/2021 | Actualizada ás 17:37
O ciclo Poetas Dei(n)versos xuntará nunha nova edición as líricas de Iraq e Nepal coa galega, segundo informou a coordinadora do ciclo, Yolanda Castaño, na presentación desta iniciativa xunto ao tenente de alcalde, Juan Ignacio Borrego.
Trátase da segunda entrega da duodécima edición, que contará cunha cita máis en xuño tras reprogramar a visita da portuguesa Maria do Rosário Pedreira.
Borrego sinalou sobre o ciclo que se trata de "un modelo consolidado, que reforza as potencialidades da cultura da cidade". Nesta ocasión, a actividade retomarase o luns, ás 20,00 horas, coa posta en escena de dúas voces feministas: as da ourensá Arancha Nogueira e a nepalí Itisha Giri.
En maio, o poeta vigués Aclamación Vaqueira fará parella o día 10 co tradutor iraquí, Abdul Hadi Sadoun, para unir as tradicións líricas galega e mesopotámica.
O 24 do mesmo mes, Dolors Miquel, en catalán, e Alicia Fenández, en galego, participarán no ciclo que incluirá unha cita máis o 14 de xuño, que se aprazou no seu momento pola imposibilidade de que a lisboeta Maria do Rosário Pedreira viaxase ata Galicia debido á pandemia.
