Se tes grupo sanguíneo A negativo.... doa
As reservas seguen baixas en Galicia.
Por Europa Press / Redacción | SANTIAGO DE COMPOSTELA | 23/04/2021 | Actualizada ás 12:56
As reservas do grupo sanguíneo A negativo (A-) continúan baixas en Galicia, mentres que as de Cero negativo (0-), Cero positivo (0+) e A positivo (A+) permanecen normais.
Así o informa a Axencia de Doazón de Órganos e Sangue (ADOS), que incide na importancia de acudir a doar e lembra que os hospitais galegos necesitan unha media de 500 doazóns diarias para levar a cabo o seu labor asistencial.
Co fin de facilitar a doazón o vindeiro luns, 26 de abril, ADOS desprazará unidades móbiles ás localidades coruñesas de Miño --Rúa Mercado--, A Coruña --rotonda de Socioloxía no campus de Elviña--, Coristanco --á beira do Concello-- e Santiago --diante da Facultade de Medicina--.
Tamén enviará unidades móbiles o luns ás poboacións lucenses de Castro de Rei --xunto ao Consistorio-- e Castro Ribeiras de Lea --campo da feira--; así como ás ourensás de Entrimo --parque municipal-- e Lobios --diante do Concello--.
Así mesmo, o día 26 haberá unidades móbiles de ADOS para facilitar a doazón nos concellos pontevedreses de Silleda --Avenida do Parque--, Cambados --xunto ao centro de saúde--, Baiona --Rúa Jesús Valverde-- e Ponteareas --Avenida de Galiza--.
