As residencias de Galicia fan xa oito xornadas consecutivas sen contaxios de Covid

As residencias de Galicia seguen desde o pasado venres, 16 de abril, sen contaxios de Covid-19, por segunda vez na pandemia tras estar sen casos positivos varios días en xullo do pasado ano.

Segundo informou este venres a Consellería de Sanidade, non hai ningún caso nin entre usuarios nin traballadores en residencias de maiores nin en centros de discapacidade. Esta situación mantense despois de que, durante a terceira onda do coronavirus, as residencias galegas rexistrasen un pico de 466 usuarios infectados.

Unha muller pasea a unha anciá en cadeira de rodas, nas inmediacións da residencia xeriátrica das Gándaras para visitar a un familiar, a 17 de abril de 2021, en Lugo.. Carlos Castro - Europa Press | Fonte: Europa Press