Por Europa Press / Redacción | PONTEVEDRA | 26/04/2021 | Actualizada ás 10:10
Un incendio levou a evacuar ao hospital a dúas persoas para recibir asistencia, así como a primeira planta dunha residencia de maiores no municipio de Ribadumia na noite deste domingo.
Segundo relatou o 112, o incendio declarouse nunha habitación dunha residencia en Ribadumia debido ao que os residentes da primeira planta do edificio foron confinados noutra zona do centro mentres os servizos de emerxencia levaban a cabo as tarefas de extinción do lume. Posteriormente, estas persoas puideron ser reacollidas no mesmo centro.
Todo comezou ao fío das 22,00 horas deste domingo cando unha persoa particular contactou co 112 Galicia para avisar do incendio. Tras ter coñecemento da situación, o CIAE 112 solicitou a intervención dos Bombeiros de Ribadumia e de Vilagarcía, de Urxencias Sanitarias de Galicia-061, da Garda Civil e da Agrupación de Voluntarios de Protección Civil da localidade.
Unha vez na residencia, os membros do Servizo de Prevención, Extinción de Incendios de Salvamento de Ribadumia confirmaron ao 112 Galicia que ardera un colchón e procederon a realizar as tarefas de ventilación na zona.
Pola súa banda, o 061 enviou unha ambulancia de soporte vital avanzado e dous de soporte vital básico, así como persoal sanitario da PAC de Cambados para atender a 35 pacientes, dos que dous foron trasladados: ao Hospital do Salnés a muller M.C.I., de 42 anos; e a Montecelo o home J.T.C., de 51 anos.
VENTILACIÓN
Fontes dos Bombeiros de Ribadumia explicaron a Europa Press que "foi un colchón o que ardeu" na DomusVi Ribadumia e cando chegaron os efectivos de extinción o persoal da residencia tiña "controlado" o lume e desaloxara a residencia.
Por iso, os bombeiros procederon a ventilar a habitación afectada, ademais de comprobar e asegurar a zona.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.