Por E.P. | Ourense | 28/04/2021 | Actualizada ás 18:41
O novo coordinador provincial de Ciudadanos en Ourense, Pepe Araújo, asegurou que "todos os que tiñan intereses persoais" están agora fóra da organización laranxa e que agora quedan na formación os que queren "un Ourense mellor".
O portavoz municipal do partido laranxa, designado recentemente como membro do Comité Autonómico galego, sinalou que asume o reto de liderar Cs Ourense "con moita ilusión" e consciente de que "a moderación é máis necesaria que nunca".
Araújo sostén que "a situación de bloqueo" que atravesa o Concello de Ourense demostra "que tanto PP como PSOE non son útiles" nin á cidade nin unha provincia que, di, "leva anos marxinada".
"Todos os que tiñan intereses persoais e non tiñan convicción neste proxecto marcharon, agora estamos os que por enriba de todo cremos nun Ourense mellor", incidiu o coordinador laranxa en Ourense.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.