Casado e Feijóo, xuntanza en Madrid e sen Ayuso a seis días das eleccións autonómicas
Ayuso está facendo unha campaña presidencialista sen contar con ningún dos baróns do PP.
Por Europa Press / Redacción | MADRID | 28/04/2021 | Actualizada ás 22:15
O líder do PP, Pablo Casado, e o presidente da Xunta de Galicia, Alberto Núñez Feijóo, coincidirán este xoves nun acto en Madrid sobre a obra de Emilia Pardo Bazán, unha homenaxe á escritora galega que se produce cando a Comunidade de Madrid está inmersa na recta final de campaña para as eleccións do 4 de maio.
En concreto, trátase da mesa redonda 'Galicia-Madrid na vida e a obra de Emilio Pardo Bazán', un acto que contará coas intervencións de Feijóo e do alcalde de Madrid, José Luís Martínez-Almeida, segundo informou o Partido Popular, pero na que non estará Isabel Díaz Ayuso.
Á parte de Casado, tamén está previsto que a delegada de Cultura do Concello de Madrid, Andrea Levy, acuda a este acto sobre a polifacética Pardo Bazán, que se celebrará na Casa de Galicia cando se cumpre un centenario da súa morte.
AYUSO NON ORGANIZOU ACTOS CON 'BARÓNS' DO PP
A diferenza da campaña catalá do pasado mes de febreiro, a presidenta da Comunidade de Madrid e candidata á reelección, Isabel Díaz Ayuso, non organizou actos cos 'baróns' territoriais do PP.
