A Xunta prevé administrar 240.000 doses a próxima semana e comezar a vacinación da poboación de 65 a 69 anos

O presidente da Xunta, Alberto Núnez Feijóo, avanzou na súa comparecencia posterior á reunión semanal do seu Executivo que o Servizo Galego de Saúde (Sergas) empezará a vacinar contra a covid-19 a próxima semana á poboación de entre 65 e 69 anos.

Tamén a próxima semana, anticipou que o obxectivo que se fixa a Administración galega é alcanzar as 240.000 doses administradas, aínda que matizou que se poderá manter esa planificación sempre que o Goberno central cumpra co envío do número de vacinas "comprometidas".