Case 300.000 persoas xa están completamente vacinadas en Galicia
Administráronse xa o 89% de doses recibidas.
Por Europa Press / Redacción | SANTIAGO DE COMPOSTELA | 30/04/2021 | Actualizada ás 11:39
As persoas vacinadas coa pauta completa fronte á Covid-19 aumentan a 287.024 en Galicia, o que suón 6.983 máis que a xornada pasada, tras administrarse en Galicia o 89 por cento das doses recibidas ata o momento, o que implica un 12,14% da poboación susceptible de recibila --máis de 2,3 millóns de cidadáns--.
Así se reflicte nos datos actualizados na mañá deste venres pola Consellería de Sanidade no 'Cronómetro da vacinación', no que se recolle que Galicia administrou 1.094.770 doses das 1.229.725 recibidas, que supoñen 31.420 máis que as administradas ata a xornada anterior.
No relativo aos grupos de poboación vacinados, por condición de vulnerabilidade indícase que recibiron polo menos unha dose 12.000 persoas con condición de alto risco --109 máis que a xornada anterior-- e 345 teñen a pauta completa --dúas máis--.
Entre as persoas dependentes non institucionalizadas recibiron polo menos unha dose 15.603 --que implican 193 máis-- e 9.315 teñen a pauta completa da vacina --757 máis--; mentres que das institucionalizadas --que se empezaron a vacinar o 27 de decembro do ano pasado--, 23.454 tiveron a primeira picada --seis máis que o día anterior-- e 22.681 contan coa pauta completa --44 máis--.
Pola súa banda, no grupo de persoas vacinadas por condición de vulnerabilidade inclúense 598.720 que recibiron a primeira dose segundo idade --24.552 máis-- e 177.255 teñen a pauta completa --6.055 máis--.
GRUPOS DE IDADE
Por grupos de idade, foron vacinadas 126.764 persoas maiores de 85 anos (+479); 94.092 de 80 a 84 anos (+182); 127.716 de 75 a 79 anos (+311); 142.211 de 70 a 74 anos (+4.054); 30.714 de 65 a 69 anos (+8.214); 118.102 de 60 a 64 anos (+11.564); 26.197 de 55 a 59 anos (+19); e 38.171 de 50 a 54 anos (+18).
A elas súmanse 29.121 de 45 a 49 anos (+13); 26.288 de 40 a 44 anos (+17); 19.003 de 35 a 39 anos (+12); 15.307 de 30 a 34 anos (+6); 12.417 de 25 a 29 anos; 6.042 de 20 a 24 anos (+4) e 597 de 15 a 19 --sen cambios con respecto á xornada anterior--.
PROBABILIDADE DE EXPOSICIÓN
En canto aos vacinados na Comunidade galega por probabilidade de exposición ascenden a 73.730 os profesionais do ámbito sanitario coa primeira dose --33 máis-- e 55.951 coa pauta completa --91 máis--.
A estes súmanse 28.944 coa primeira picada entre profesionais do ámbito socio-sanitario --os de primeira liña empezaron a recibila o 13 de xaneiro--, sete máis, e 19.177 coa pauta completa --39 máis--. En canto aos traballadores de actividades esenciais ascenden a 60.286 os que recibiron a primeira dose --tres máis-- e a 2.298 os que teñen a pauta completa --catro máis--.
