A Xunta formaliza unha emisión de débeda con rendibilidade negativa por 150 millóns de euros
Por E.P. | SANTIAGO DE COMPOSTELA | 30/04/2021 | Actualizada ás 12:04
A Xunta formalizou unha emisión de débeda con rendibilidade negativa por importe de 150 millóns de euros, segundo publica este venres o Diario Oficial de Galicia (DOG).
O DOG publica, en concreto, esta emisión de bonos cun tipo de interese cero, e a Consellería de Facenda lembra que Galicia volveu aos mercados en 2019 pola mellora das condicións que ofrecen e porque non tivo que acollerse aos mecanismos de axuda estatais.
A comunidade pechou 2020 cun diferencial de débeda coa media autonómica de 7,2 puntos, o máximo da serie histórica, segundo reivindica o departamento de Valeriano Martínez.
Foi, ademais, segundo engade, a terceira comunidade de réxime común con menor endebedamento, cun 19,9% de cociente débeda/PIB, fronte ao 27,1% da media.
