Por E.P. | A Coruña | 30/04/2021 | Actualizada ás 18:04
Traballadores da refinaría da Coruña secundaron este venres unha nova xornada de protestas mentres proseguen as negociacións coa empresa tras o expediente de regulación de emprego temporal (ERTE) para 212 empregados.
Segundo informa o comité, este xoves tivo lugar a cuarta reunión da mesa negociadora do ERTE. Nela, sinala, a comisión representativa dos traballadores "mantivo a demanda feita a Repsol desde o primeiro momento para que este ERTE sexa retirado".
Tamén afirma que trasladou á empresa que a situación de seguridade na que quedan as plantas e os traballadores deste centro "non é as suficiente nin negociable de ningún xeito".
No encontro, acordouse un adiamento do período de consultas, que acababa este venres, durante unha semana e convocouse unha reunión para o 4 de maio.
Ademais, nesta xornada, o persoal da refinaría volveu realizar un corte de tráfico na carretra de Bens, coa convocatoria dunha posterior concentración ás portas do centro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.