Por Europa Press / Redacción | SANTIAGO DE COMPOSTELA | 02/05/2021 | Actualizada ás 13:51
Os bonos desconto de ata 30 euros que a Xunta lanza para reactivar o consumo no comercio poderán descargarse a partir deste luns, 3 de maio, na páxina web da Administración autonómica.
Trátase dunha iniciativa posta en marcha pola Vicepresidencia Segunda e Consellería de Economía, Empresa e Innovación, que prevé chegar a uns 330.000 clientes para xerar un impacto en vendas de 55 millóns de euros.
Os interesados en recibir este 'Bono Activa Comercio' deberán rexistrarse na web www.bonosactivacomercio.gal para logo descargalo a través dunha aplicación móbil. Os descontos serán de 5 euros en compras de 30 euros ou máis, e de 10 euros para as de 50 euros ou máis.
Nestes momentos, hai uns 2.500 establecementos adheridos nos que se poderá empregar, tal e como ademais explicou o vicepresidente segundo da Xunta, Francisco Conde, nunha entrevista concedida este domingo á Radio Galega. Os comerciantes interesados aínda poderán inscribirse na campaña ata o 15 de maio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.