Por Europa Press / Redacción | SANTIAGO DE COMPOSTELA | 02/05/2021 | Actualizada ás 20:54
A Consellería de Sanidade non notificou este domingo ningún novo falecemento vinculado coa covid-19 en Galicia. Deste xeito, a comunidade acumula dúas xornadas consecutivas sen comunicar óbitos e o número de vítimas desde o inicio da pandemia mantense en 2.390.
Os últimos falecementos vinculados á covid-19 comunicáronse este venres e foron os correspondentes a unha muller de 76 anos que se atopaba hospitalizada no Complexo Hospitalario Universitario da Coruña (CHUAC) e un home de 93 ingresado no Hospital Álvaro Cunqueiro de Vigo.
Entre o 27 de setembro e o 27 de marzo comunicáronse falecidos de forma diaria. Desde esta última data, tan só en once ocasións Sanidade non comunicou novas vítimas do coronavirus, incluída a deste domingo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.