Galicia prepárase coas forzas de seguridade para a vacinación masiva este martes en 14 centros
O Sergas ten previsto inxectar 240.000 dose esta semana.
Por E.P. | Santiago de Compostela | 03/05/2021 | Actualizada ás 13:33
Galicia prepárase para a vacinación masiva ante a chegada de grandes remesas de doses, de maneira que esta semana prevé administrar 240.000 inxeccións nas sete cidades galegas, e este martes está programa as citacións para 14 centros.
Precisamente, este luns desde Pontevedra, o vicepresidente primeiro da Xunta, Alfonso Rueda, e o conselleiro de Sanidade, Julio García Comesaña, mantiveron unha reunión coa Delegación do Goberno e representantes da Garda Civil, Policía Nacional e Policía Local para coordinar o proceso de vacinación masiva que empezará nas site cidades.
En palabras de Rueda, nestes momentos "é prioritaria a máxima coordinación entre administracións e corpos de seguridade" para que todo discorra coa "maior fluidez e rapidez posible, unha vez que se vaian recibindo as vacinas para poder vacinar ao maior número de cidadáns no menor tempo posible".
A Xunta traballa en en a programación da vacinación masiva en grandes espazos, este martes será en 14 centros habilitados. Rueda destacou que Galicia "ten capacidade para vacinar e cando cheguen as doses, vacinar rápido é o obxectivo".
