Oito de cada dez empresas novas en Galicia están na Coruña e Pontevedra
As provincias de Lugo e Ourense volven quedar con apenas un 20% deste tecido produtivo.
Por E.P. | SANTIAGO DE COMPOSTELA | 05/05/2021 | Actualizada ás 11:30
Galicia rexistrou a constitución de 398 empresas en abril, o que supón 300 máis que ano antes, mes marcado polo confinamento na primeira onda da pandemia. Con todo, estas 398 empresas son as mesmas que o anterior mes, en marzo de 2021, segundo os datos publicados este mércores polo Instituto Galego de Estatística (IGE).
O capital medio subscrito por cada empresa foi de preto de 57.000 euros. A maioría foron SL (385), houbo unha SA e o resto doutro tipo. As provincias da Coruña (o 42,5%) e Pontevedra (36,4%) lideran a creación de empresas. A máis distancia están Lugo (11,3%) e Ourense (9,8%). O 27,9% das empresas creadas son da rama do comercio, seguida da construción (o 14%) e actividades profesionais (o 9,8%).
INCREMENTO DAS DISOLUCIÓNS INTERANUAIS
Pola súa banda, ampliaron capital 106 sociedades mercantís galegas en abril --por 49 millóns de euros--, son 80 máis que 12 meses antes. En abril de 2021 houbo 125 disolucións, 97 máis que un ano antes, pero 41 menos que en marzo de 2021. Ademais, 28 empresas reduciron capital, producíronse tres fusiones e tres escisións.
