Por X.M. Fernández | Santiago de Compostela | 09/05/2021 | Actualizada ás 10:00
Julio Negueruela, 'Jamas', un dos integrantes do grupo de rap galego "Dios Ke te Crew", vén de presentar o que será a súa primeira aventura no eido literario. Trátase de "Diario dun pirata confinado", unha sorte de diario que recolle as súas vivencias a partir da declaración do estado de alarma por mor da pandemia.
"A partir dese primeiro capítulo ou día, comprometinme comigo mesmo a inmortalizar, dalgún xeito, esta escura etapa que nos tocou afrontar. Case a totalidade das vivencias narradas son reais", explica o autor.
Jamas di ser un apaixoado da literatura, por influenza dos seus pais, pero é coñecido en Galicia pola súa traxectoria musical, dende o conxunto Ghamberros ata o máis coñecido Dios Ke Te Crew no que segue na actualidade.
No prólogo da publicación, que chega da man da escritora Teresa Moure, esta descrebe a experiencia de ler este libro como "abrir unha xanela nos muros que nos rodean, deseñar un orificio de fuga, unha vía para escapar dunha época que nos arrebata as opcións mentres o tic-tac do reloxo continúa a correr, mentres o noso tempo se escapa escaéndose dun xeito que sentimos estéril".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.