Por E.P. | A CORUÑA | 11/05/2021 | Actualizada ás 20:04
O Concello da Coruña celebrará o Día das Letras Galegas cunha programación organizada pola rede de bibliotecas municipais e polo servizo de Normalización Lingüística co obxectivo de "pór en valor" á homenaxeada este ano, a escritora Xela Arias.
'Desordénate coas letras' é o nome que recibe a campaña coa que se convida a cidadanía a transformar os versos da autora para "desordenando os termos, crear novos poemas experimentais"
A alcaldesa, Inés Rey, destaca a importancia de facer que as actividades que se realizan en centros de ensino, clubs de lectura das bibliotecas municipais ou asociacións veciñais sexan extensibles á cidadanía.
A proposta virá acompañada dun escape room virtual e dunha mostra bibliográfica sobre a homenaxeada, á que se suma unha antoloxía de libros de poesía galega en feminino e un recordo aos homenaxeados e homenaxeadas en anos anteriores. Ademais, o martes 18 de maio terá lugar o encontro virtual "Libro Vivinte" con Marga do Val, escritora, tradutora e amiga persoal de Xela Arias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.