Trudi, a nova cadela da Garda Civil para evitar a morte de animais envelenados

O Grupo Cinolóxico da 15 Zona da Garda Civil de Galicia incorporou ao seu persoal unha cadela detectora de cebos envelenados, de nome Trudi. Segundo informou o Instituto Armado, a este grupo con base na Comandancia de Ourense, trátase dunha Border Collier de 15 meses de idade.

Esta cadela, especializada na detención de cebos envenados, desenvolverá o seu labor baixo a supervisión do guía que a adestrou durante un ano nos montes galegos, tras "superar satisfactoriamente", destacan as mesmas fontes, todas as probas na Escola do Servizo Cinolóxico da Garda Civil no Pardo (Madrid).

"Trudi, durante o seu adestramento, aprendeu a través do xogo a detectar os cebos envelenados e animais mortos por inxerilos", subliña a Benemérita. Con esta incorporación, a Garda Civil asegura que terá "un maior control, en todo o territorio da Comunidade Autónoma de Galicia, desta práctica ilegal" contemplada nos artigos 336 e 337 do Código Penal.

Respecto diso, lembra que esa práctica leva un castigo de prisión de catro meses a dous anos ou multa de 8 a 24 meses e, en calquera caso, a inhabilitación para exercer o dereito de cazar ou pescar de 1 a 3 anos, cuxo obxectivo, matiza a Garda Civil, "é exterminio de depredadores na área onde se depositan, orixinando un grave problema ambiental, polos danos indiscriminados que produce".

Cadela detectora de cebos envelenados que a Garda Civil incorpora ao Grupo Cinolóxico da Zona de Galicia.. GARDA CIVIL | Fonte: Europa Press