Aumentan a 621 os casos activos por COVID en centros educativos galegos
Polo de agora non se rexistran centros clausurados e as aulas pechadas son 31.
Por Europa Press / Redacción | SANTIAGO DE COMPOSTELA | 12/05/2021 | Actualizada ás 15:45
Os casos activos de Covid-19 en centros educativos non universitarios e escolas infantís de Galicia subiron a 621, que supoñen catro máis, mentres que as aulas pechadas reducíronse a 31, unha menos, e segue sen haber centros clausurados debido á incidencia deste coronavirus.
Segundo o balance actualizado este mércores polas consellerías de Educación e Sanidade, as infeccións activas en centros educativos redúcense nas áreas da Coruña (-7), Lugo (-2) e Santiago (-1); mentres que soben nas de Vigo (+5), Ourense (+5), Pontevedra (+3) e Ferrol (+1).
A área de Vigo mantense á cabeza con 205 infeccións activas --cinco máis-- e 15 aulas pechadas --sen cambios--, catro delas por seis contaxios no IES San Paio de Tui --dous menos--; e outras dúas por nove positivos na Escola Infantil Santa Isabel da cidade olívica, onde outra escola infantil ten dúas clases clausuradas por seis infeccións activas.
Séguelle a da Coruña con 171 casos activos --sete menos-- e seis aulas pechadas --dúas menos--, delas tres clases clausuradas no CEIP Plurilingüe Isidro Parga Pondal de Oleiros por 26 positivos --un menos--, que supoñen o maior número de entre todos os centros de Galicia.
Mentres, na área de Pontevedra increméntanse a 101 as infeccións activas --tres máis-- e seguen dúas aulas pechadas. O CEIP de San Roque de Vilanova de Arousa segue como máis afectado con 16 contagios --uno menos--.
Pola súa banda, a área sanitaria de Santiago conta con 75 positivos en centros educativos --un menos-- e cinco clases pechadas --sen cambios--. O centro con máis positivos é o CPR Plurilingüe Jaime Balmes de Noia, con seis, e unha aula clausurada pola incidencia da Covid-19.
Polo seu lado, a área de Ourense rexistra 33 casos activos de Covid-19 --cinco máis-- distribuídos entre unha vintena de centros --o que máis concentra é o IES O Ribeiro en Ribadavia, con catro-- e segue como a única de Galicia sen aulas pechadas por este coronavirus.
MENOS CASOS
Con menos casos de coronavirus en centros educativos de Galicia seguen as áreas de Lugo e Ferrol. A primeira concentra 25 positivos --dous menos-- e unha aula pechada --sen cambios--.
Finalmente, a de Ferrol mantense á cola con 11 contagios --uno máis-- repartidos en oito centros e dúas clases clausuradas pola incidencia da Covid --unha máis--, unha delas na Escola Infantil Virxe do Chamorro por dous positivos e outra nun colexio da Capela.
